(圖片來源：::littleoslo::..::Blog::) 

之前在小奧私陸看到Yahoo!知識中的奇觀已嘖嘖稱”膠”，想不到過了數月，膠人膠問題倍增，與Yahoo!知識管理員的爭鬥變本加”膠”，本人認為最厲害的莫過於高登2007年5月之星選舉提名『李露媚』的用心之作(真心膠)，以周星馳式的『我為秋香』在平凡的文章中暗罵Yahoo!知識管理員，功力所在，可見一班。其他問題亦令人深思：

如果死亡証上面漏寫死因，咁電腦系統係咪會自動將死者死因定為「心臟麻痺」？   政府部門
周杰倫新片《不能說的秘密》係咪全部人都唔講得野?咁咪係一齣默劇?   華語電影
當年耶穌利用五餅二魚餵飽五千信眾,咁塊餅係咪Pizza Hut夏威夷風情芝心薄餅?果兩條魚係咪鯊魚?   西式食譜
點解今日踢波先黎落雨?唔通連個天都唔鐘意我?   足球
皇后大道西又皇后大道東,皇后大道東轉皇后大道中,皇后大道東上為何無皇宮?    道路
我星期一至五晚都聽到關菊英話自己「講不出聲」,點解佢又可以成首歌唱到出黎?    醫學疾病
徐志摩當年o係劍橋留學有冇玩過happy corner?    中國史 

眾可深思的問題，可媲美「請問依家幾多點？」，其深思在問題，其心思在分類，箇中藏着各方面的知識，包羅萬有，由動漫到神學，電影到街道，各人甚至設下如『點解雅虎職員刪左呢題?』 這類兩難問題(對Yahoo!知識管理員的兩難)，哲理一時難解，一時難明。啟發創意．增長知識，乃就是達到Yahoo!知識的原有目的。是殊道同歸，還是南轅北轍，視乎閣下怎看。

相關網址：

Yahoo! 知識+　歡笑樂園開心地(::littleoslo::..::Blog::)

李露媚的知識檔案

李露媚/Yahoo！知識+/知膠(香港網絡大典)